Mindanao, Gubot na sad!!!
Naunsa naman ni atong yuta sa Mindanao… Murag sa tan-aw nako dugay pa jud nato ma kab-ot ang kalinaw sa atong lugar. Bisan taga Cagayan de Oro ko ug medyo layo ra sa kagubot didto sa ARMM region pero mabati japon nako ang kagubot, kay bisan mag adto lang ko sa Mall medyo alert man ang mga police.
Sa akong tan-aw murag gigamit ra jud ni ang issue sa MOA – Memorandum of Agreement. Pero dili sad ko muingon nga maayo sad ang gibuhat sa mga MILF sa paghimo ug kagubot dinhi sa Mindanao tungod lang kay wala nadayon ang pinirmahay sa maong kasabutan. Sa akong tan-aw nahitabo ni tungod kay gabinataon man sa Gobyerno ang MILF. Makita naman nato nga Terorista naman na nga buhat ilang ginahimo. Ngano nga hangtud karun wala pa man na nasolbad nga problema, nga nihilom naman na sa una sa dihang Presidente pa si Erap. Iya man tong gipasulong ang mga sundalo didto sa mga MILF ug ABusayaff para pugngan sila sa ilang mga plano. Pero karun nga si Arroyo na ang Presidente murag iya man hinoon ginabahugan ang mga MILF. Dapat i-declare na niya nga mga Terorista ni nga grupo ug dapat mahunong na ni ilang mga kabuang nga ginahimo sa pulo sa Mindanao.
Wala jud ko ni-believe sa pang-gobyerno ni Arroyo karun kay nagpa inday-inday ra man siya sa mga taong dapat hugot ang pagtagad. Ug musugot pud ko nga mangayo ug tabang sa America para pag sumpo sa mga Teroristang MILF. Dili na siya kay gihatag na nato ang atong garbo kundili dapat na sad silang mutabang kay nakita nako nga ang Gobyerno sa Pilipinas walay nahimo sa pakiggubat sa maong mga Terorista. Sa akong nakita sa mga interview sa TV sa mga leader sa MILF gahilas-hilas lang sila… murag mga korek. kung gusto man gyud nila maglahi sa Gobyerno sa Mindanao, dili man nila kailangan mupatay ug mga sibilyan para lang ma-angkon nila ang ilang gusto. Bawal man na sa mata ni Allah ang pagpatay sa mga inosenteng mga tao.
Hinaot unta nga magmalinawon na ang Mindanao sa sunod nga mga adlaw, bulan ug tuig.
