Himantayon nga Kagay-anon

New year new life… sakto jud, new life kay bagong style sa pag puyo kay 14 days pa lang sa pag start sa bagong tuig, murag grabe na ang nahitabo dinhi sa Cagayan de Oro. Una ang pinakadako nga baha in History sa Cagayan de oro nga naka tagamtam ug dakong baha ug gi declare nga State of Calamity ang Cagayan de Oro City arun matagaan ug saktong tabang gikan sa National Government. Tapos pila ka adlaw murag ok na ang panahon ug nag pa stariray na sad and Cagayan de oro City sa Pilipinas tungod sa pag butang sa Replica of Black Nazarene dinhi sa Cagayan de Oro, ug ang mga tao nag lipay sa pag welcome ug pagsimba sa Black Nazarene nga gi prosisyon dinhi sa syudad sa Cagayan de Oro. Unya nahuman ang maong event pagkasunod adlaw nag sugod ang ulan2x nga walay hunong ug nagresulta sa pagbaha sa pipila ka barangay sa Cagayan de Oro. 80% sa mga barangay sa CDO ang nabahaan matud sa NDCC – National Disaster Coordinating Council.

Karun while ga sulat ko ani among balay murag gibunal-bunalan sa gatusan ka mga tao. Kay ang makusog nga hangin walay hunong nga pag hampak sa mga kabalayan dinhi sa syudad. Kung pwede pa lang kasab-an ug awayon nako ang hangin or bagyo, dugay ko na gihimo kay murag kahilakon na ko sa gihimo sa hangin sa akong kwarto. Naa sa taas nga bahin sa among balay akong kwarto pero murag gisakaan japon ug Tubig baha tungod kay ang hangin nga makusog ang nagdala ug tubig ulan pasulod sa akong kwarto. karun naa na ko sa sala natulog kay murag sa pamate nako dili jud ni muhunong ang hangin ug hampak sa mga kabalayan hilabi na sa amo. Makita nimo ang mga Punoan sa lubi nga almost 45 degrees na ang tindog imbes na pataas. Dili madugay ani basin mulupad na ang atop sa among balay kay kung dili ni muhunong sa pag hapak, matang-tang na jud dili madugay.

Daghan nag react nga ang pag butang ug pag simba sa Black nazarene dinhi sa syudad mao ang hinungdan sa nahitabo sa Cagayan de Oro karun, Tungod kay dili daw maayo nga mag simba sa mga idols parihas sa Black Nazarene. Pero daghan pud nag hatag sa ilang suhistyon, nga ang hinungdan sa pagbaha dinhi sa Cagayan de Oro mao ang padayon nga pag develop sa mga subdivisions dinhi. Labi na didto sa taas nga bahin sa syudad.

Kung unsa man ang hinungdan ang angay basulon mao ang mga katawhan, kay kita tanan naka contribute sa pagkadaut sa kinaiyahan. Babae ka man o lalaki, bata o tigulang, kitang tanan naka contribute sa pagkadaut sa kinaiyahan ug karun naningil na sa atong tanan. Kamo mga concerned citizen, unsa man inyong ma-comment mahitungod sa maong panghitabo dinhi sa atong lugar?